Spendenuprop von'n Förderverein Reuter-Museen e.V.

Kumm, wi sägeln!

Nu is dat endlich sowiet: Wi gåhn mit "Kumm, wi sägeln!" up ein lütte Dromreis in mäkelborgsch-vörpommersch Platt.

Dat Bauk von Viviane Eisold un Stefanie Dufek, œwersett von Viktoria Grünwald, is 2019 in'n Quickborn-Verlag rutkåmen. Dat KND gifft tau dat Bauk Fuurtbillungen in Kitas un för Grundschaullihrers un stellt Sei hier Materialien tau Verfügung. 

Bauk un Materialien folgen de Orthographie un de Wür'bäuker von Prof. Renate Herrmann-Winter. Wenn Sei Frågen odder Henwiese hebben, denn schnacken Sei uns giern an!

Audio-Datei "Kumm, wi sägeln!"

All de, de sik villicht nich tautrugen, dat Bauk sülben vörtauläsen, odder de ierst mål hüren willen, woans de plattdüütsche Text klingen künn, kœnen hier de Audio-Datei dorvon anhüren un runnerlåden. Lääst hett dat de Schauspälerin Arja Sharma, de Musik is von Stefan Hiller.

Arbeitsmaterialien

Disse Materialien sünd dacht för de Arbeid in Kinnergorden un Grundschaul. Hebben Sei Frågen un Henwiese? Schnacken Sei uns giern an!

Gedicht

Målvörlåch

  • Målvörlåch "Wo dröömst du von?"De Diern in't Bauk dröömt von "Sand, Sünn un Musseln", von't Måndkind un de Wåterdierns. Wo drömen woll de Kinder in Se ehr Grupp odder Klass von?

Ik heff - Wecker hett?

  • Ik heff - Wecker hett? "Kumm, wi sägeln!"De Spälkorten "Ik heff - Wecker hett?" trainieren, dat språken Wuurt tau verståhn un bugen de Angst af, sülben tau schnacken, wiel lütte Sätz ümmertau wedderhålt warden. Un båbentau måkt dat ok noch Spåß! De Version för "Kumm, wi sägeln!" eignet sik för de Klassen 3 un 4. Bi Interesse stüern wi Sei giern ein Datei tau, mit de Sei sik de Spälkorten mit de CEWE-Fotobuch-Software drucken låten kœnen.

Schnacks

Fählers säuken

Druckvörlågen för Memoryspäle

Bastelanleitung för ein Popierschipp

  • Woans bastelt 'n ein Popierschipp?In disse Datei warden de Schräd tau'n Basteln von ein Popierschipp in hoch- un nedderdüütsche Språk verklort.
  • LiteraturutwåhlIn de Datei ståhn ein poor Bäuker binnen, de tau'n Schäpenbasteln anrägen un tau'n Deil för lütte un tau'n Deil för gröttere Kinner dacht sünd.

Glossar

  • Glossar "Kumm, wi sägeln!"Disse List is ausführlicher as dat Glossar in't Bauk un wiest tau'n Bispill ok, woans 'n de Adjektive steigern un de Verben konjugieren deit.
Links tau'n Wiederschnükern

Kindermeer - Meeresmuseum Stralsund - Weiten, spälen, basteln: Up de Siet von't Meeresmuseum Stralsund kœnen Sei un Sei ehr Kinner mit Walfed, denn Schwienswal, allens rund üm de Welt ünner Wåter entdecken un tau richtige Meeresexperten warden.

Lilienthal-Museum Anklam - Mit välen Angeboten tau'n Mitmåken vertellt dat Museum in Anklam de Geschicht von Otto Lilienthal sien Läben un Wark un dorvon, dat de Geschicht von't Fleigen (ok) in Mäkelborg-Vörpommern ehrn Anfang hett.

Schiffbau- und Schifffahrtsmuseum Rostock - Dat gröttste schwemmen Museum in Düütschland wiest de Entwicklung von denn Schiffbu von denn slawischen "Einbaum" tau de moderne, computerstüerte Fardigung up grote Warften.

Lernsets bi quizlet.com - Wecker de Vokabeln ut dat Bauk lihren mücht, kann dat mit uns Kurs bi quizlet.com daun. Tau denn Kurs hüren ok noch Lernsets tau de Steigerung von de Adjektive tau, tau de Pluralbildung u.a. De Registrierung bi quizlet.com is kostenlos.

Buanleitung för dat Kamishibai - In de Fuurtbillungen tau "Kumm, wi sägeln!" arbeid't dat KND mit dat Vertelltheoter KAMISHIBAI. Mihr Informationen hett de Don Bosco Verlag. De Link führt direktemank tau ein'n Download von ein Buanleitung för dat Kamishibai up denn Verlag sien Websiet.