Lex 12: Johrestieden un Wäder
Zwischen Osterglocken und Äpfeln – was ist besonders zu jeder Jahreszeit und wie wird das Wetter? Sonne, Regen und Sturm gibt es in allen vier Jahreszeiten – und wie ist das mit Schnee?
Twischen Oosterklocken un Äppels - wat is besünners tau jede Johrestiet un woans ward dat Wäder? Sünn, Rägen un Storm gifft dat in alle vier Johrestieden – un woans is dat mit Schnei?
zum Herunterladen - tau'n Runnerlåden
Hinweis:
Sollten die Dateien im Browser fehlerhaft dargestellt werden, dann laden Sie sie bitte einmal herunter. Finden sich weiterhin Fehler, dann sind wir dankbar für einen entsprechenden Hinweis.
Material 1: Bildbeschreibung
Wat seihn wi up dat Bild?
Sünn, Rägen un Storm gifft dat in all Johrestieden – Schnei nich. Dat kann ein licht rutfinnen up dat grote Bild. Wann de Oosterklocken bläugen, wann wi Äppel plücken kœnen – wann bugen wi einen Schneimann un wann spälen wi Fedderball …
Material 2: Über das Bild sprechen
Schnacken œwer dat Bild
So kœnen Frågen tau dat Bild utseihn:
Wat sühst du up dat Bild?
Wat hett Emma in de Hand?
Wat spälen de Kinner in’n Winter?
Wat spälen de Kinner in’t Frühjohr?
Wat spälen de Kinner in’n Sommer?
Wat spälen de Kinner in’n Harfst?
Tau wat för ’ne Johrestiet gifft dat Ferien?
Wat is in’n Sommer gräun/rot/orangsch/gäl?
Wat is in’n Winter schwart/brun/gries?
Wat kann ein dorup antwuurden?
Ik seih ...
Emma hett ´n ...
In´n Winter spälen sei ...
In´t Frühjohr spälen sei ...
In´n Sommer spälen sei ...
In´n Harfst spälen sei ...
Ferien gifft dat ...
Dat Gras ...
De Häben ...
Material 3: Dialog
So kœnen Paul un Emma mit'nanner schnacken
Emma: Paul, œwerlech mål, wat hebben wi in dat verläden Johr nich allens bilääft. Jedein Månd wier anners! Un dit Johr geiht dat wedder von vörn los.
Paul: In´t Frühjohr, dor kœnen wi wedder väl mit Tüffel spazieren un Fohrrad führen. Wenn de Sünn schient! Ik mach dat giern lieden, wenn de iersten Blaumen in´t Johr bläuhn daun. Oosterklocken sünd schön.
Emma: In´n Sommer sünd wi wedder denn ganzen Dach buten. In´n Juli un in´n August, dor is dat so richtig schön warm. Dor kœnen wi ok in uns Bå´see schwemmen un Fedderball spälen up de Wischen!
Paul: Un in´n Harfst gifft dat Äppel! Denn help ik wedder mienen Unkel, dat hei sien grote Appelaust in de Körf kricht, ihrer dat de Wind em allens dålrieten deit. Un du kannst dienen gälen Dråken wedder ruthålen!
Emma: Dat stimmt. Un ik mach ok denn Winter sihr giern lieden. Denn bugen wi Mann un Fru ut Schnei un måken ´ne Schneiballschlacht mit uns Frünn´! Un de Vågels kriegen Fauder in ehr lütt Fauderhus.
Paul: Ach fien! So sünd all de Johrestieden richtig schön. Un Tüffel un Minka denken dat ok. Sei sünd ümmer giern buten. Sei sünd nich bang vör Sünnenschien, Rägen, Schnei un Storm.
Emma: Wi ok nich, Paul! Buten is dat allerbest!