Lex 6: Miene Schaul
Endlich selbst lesen und schreiben! Und mit den Zahlen rechnen und den Farben malen, die wir in
Lektion 2 kennengelernt haben. Was es im Klassenzimmer noch alles zu entdecken gibt, zeigt diese Lektion.
Endlich sülfst läsen un schriewen! Un mit de Tåhlen räken und de Farwen målen, de wi in Lex 2 kennenlihrt hebben. Wat dat in’n Klassenrum noch allens tau entdecken gifft, wiest disse Lex.
zum Herunterladen - tau'n Runnerlåden
Hinweis:
Sollten die Dateien im Browser fehlerhaft dargestellt werden, dann laden Sie sie bitte einmal herunter. Finden sich weiterhin Fehler, dann sind wir dankbar für einen entsprechenden Hinweis.
Material 1: Bildbeschreibung
Wat seihn wi up dat Bild?
Paul un Emma sitten tausåmen in de Klass. Emma wiest de Lihrerin Fru Hansen ehr Bild, sei hett ein grote Buddel målt. Paul is an’t Schriewen, dat geiht all richtig gaut: Ik – bün Paul, denkt hei. Torben un Klaas läsen in ehr nieget Plattdüütschbauk, dat hebben sei ut dat Regål nåhmen. Glieks geiht dat nå denn Spälplatz vör de Schaul! Hest Lust tau ’n Utmålen?
Material 2: Über das Bild sprechen
Schnacken œwer dat Bild
So kœnen Frågen tau dat Bild utseihn:
Weckern sühst du up dat Bild?
Wat måken Paul un Emma/de annern Kinner/de Lihrerin?
Wecker is noch tau seihn up dat Bild?
Wat för Schaulsåken hebben Paul un Emma?
Wat schrifft Paul?
Wo låt is dat?
Wat hett Emma in ehr Feddertasch?
Wat licht/steiht in dat Regål/up dat Regål?
Wecker kann de Tåhlen up de witte Tafel läsen?
Wat kann ein dorup antwuurden?
Ik seih ...
Paul un Emma ...
De ... is noch tau seihn un...
Sei hebben ́ne Feddertasch un ...
Paul schrifft ...
Dat is teihn Minuten nå Klock ...
Emma hett ...
Dor ståhn Bäuker, ...
7,1, ...
Material 3: Dialog
So kœnen Paul un Emma mit'nanner schnacken
Lihrerin: Emma, hest du all allens fardig schräwen?
Emma: Ja, ik mål nu noch mien Bild tau Enn’, dat ik gistern anfungen heff.
Lihrerin: Dat kannst du måken. Un wo süht dat bi di ut, Paul?
Paul: Ik bün ok binåh fardig. Mi fählen bloots noch drei Wür’.
Lihrerin: Fien. Denn måken wi glieks all ’ne Paus un gåhn nå buten.
Emma: Kœnen wi nåher in dat Bauk kieken, wat ik von tau Hus mitbröcht heff?
Lihrerin: Nå de Paus hebben ji Musikünnerricht, åwer du kannst dien Bauk giern hierlåten un wi kœnen dat morgen ankieken, Emma.
Emma: Na gaut. Denn stell ik dat mank de annern Bäuker. Paul, kann ik dienen Buntstift utleihnen? Ik bruk denn för mien Bild.
Paul: Dor Emma, denn Anspitzer kannst du di ok nähmen.
Emma: (kiekt up Paul sienen Zeddel) Paul, dat hest du åwer schön schräwen.
Paul: Finnst du?
Emma: Ja! Kümmst du nu mit nå buten?
Paul: Glieks, ik nähm blots noch miene Brotdos mit.