Lex 11: De Klock un de Woch
Morgen früh um sechs, kommt die kleine Hex! Was machen wir zu welcher Uhr- und Tageszeit, und ist das bei uns allen gleich? Wir sprechen über tägliche und wöchentliche Routinen, Hobbies und besondere Höhepunkte.
Morgen früh Klock söss, kümmt de lütte Hex! Wat måken wi tau wecke Klocken- un Dachstiet, un is dat bi uns all gliek? Wi schnacken œwer uns Routinen an’n Dach un in de Woch, Hobbies un besünnere Höhepunkte.
zum Herunterladen - tau'n Runnerlåden
Hinweis:
Sollten die Dateien im Browser fehlerhaft dargestellt werden, dann laden Sie sie bitte einmal herunter. Finden sich weiterhin Fehler, dann sind wir dankbar für einen entsprechenden Hinweis.
Material 1: Bildbeschreibung
Wat seihn wi up dat Bild?
Morgen früh Klock söss, kümmt de lütte Hex! Wat måken wi tau wecke Klocken- un Dachstiet, un is dat bi uns all gliek? Wi schnacken œwer uns Routinen an´n Dach un in de Woch, Hobbies un besünnere Höhepunkte.
Material 2: Über das Bild sprechen
Schnacken œwer dat Bild
So kœnen Frågen tau dat Bild utseihn:
Wat sühst du up de Biller?
Wann steiht Emma morgens up?
Wat måkt sei Klock acht ...?
Wann möt sei los nå de Schaul?
Wann is de Ünnerricht in de Schaul vörbi?
Wann ett Emma Meddach?
Wat måkt Emma nåmeddachs?
Wat måkt sei Klock 8 an´n Åbend?
Wat för´n Sport måkt Paul?
An wat för´n Dach spülen Paul un Emma tausåmen?
Wat kann ein dorup antwuurden?
Ik seih ...
Emma steiht Klock ...
Klock acht sitt ...
Sei möt Klock ...
De Ünnerricht is ...
Meddach ett Emma ...
An´n Nåmeddach ...
Klock acht ...
Paul späält ...
De beiden spälen ...
Material 3: Dialog
So kœnen Paul un Emma mit'nanner schnacken
Emma: Gistern hett mien Tant anraupen un wull mit mi schnacken.
Paul: Un wat wull sei?
Emma: Ik glöf, ehr wier langwielig. Sei wull nipping weiten, wat ik denn ganzen Dach so måk un woans dat in de Schaul so löppt.
Paul: Un wat hest du ehr vertellt?
Emma: Ik heff secht, dat ik an einen Schauldach ümmer half sœben upståh, Klock sœben Frühstück ät un dat ik Klock acht in de Schaul sitt.
Paul: Dor sitten wi denn tausåmen!
Emma: Ja, un Klock ein bün ik all wedder tauhus un wi äten Meddach.
Paul: Un wat måkst du nåmeddachs?
Emma: Du fröchst as mien Tant!
Paul: Nee, ik späl dien Tant!
Emma: Ach so, also ik späl ümmer mit Tüffel un wi beid spälen ok männichmål tausåmen.
Paul: Ja, åwer blots Friedachnåmeddach bet Klock söss un nich länger. Ji äten ja all so tiedig Åbendbrot.
Emma: Ji ja ok, Paul.
Paul: Ik möt ja ok all Klock acht tau Bedd gåhn.
Emma: Ik lich denn ok all in't Bedd un bün düchtig mäud.
(Emma måkt de Ogen tau un deit so, as wenn sei schnorkt)
Paul: (lacht ´n bäten) Emma, hest du Lust Sünndach mit miene Fomilie einen Utfluch tau måken?
Emma: Au ja, Paul. Dat is super! Ik fråch nåher miene Öllern. Wat måken wi?