Lex 13: An de Küst
Wir machen einen Ausflug an die Küste! Zwischen Möwen und Enten essen wir erstmal ein Fischbrötchen. Und dann geht es an Bord für die Inseltour. Werden da Erinnerungen an andere gemeinsame Ausflüge wach?
Wi måken ein Utfluch an de Küst! Mank Meiwen un Ånten äten wi ierstmål ein Fischbrötchen. Und denn geiht dat an Buurd för de Inseltour. Warden dor Erinnerungen an annere Utflööch wåk?
zum Herunterladen - tau'n Runnerlåden
Hinweis:
Sollten die Dateien im Browser fehlerhaft dargestellt werden, dann laden Sie sie bitte einmal herunter. Finden sich weiterhin Fehler, dann sind wir dankbar für einen entsprechenden Hinweis.
Material 1: Bildbeschreibung
Wat seihn wi up dat Bild?
An de Küst gifft dat för Paul un Emma väl tau seihn un tau hüren: an Land, in de Luft un in’t Wåter. Wat dor allens för Diere sünd un wat de måken! Paul un Emma fohren mit up ’ne Inseltour. Wecker noch mit an Buurd kümmt un wat sei dor allens biläwen, dat willen wi giern weiten.
Material 2: Über das Bild sprechen
Schnacken œwer dat Bild
So kœnen Frågen tau dat Bild utseihn:
Wat sühst du up dat Bild?
Wat måken de Kinner up dat Schipp?
Wat verköfft de Mann in dat lütte Hus?
Wo kann ein sik utrauhn?
Wat måken de Meiwen?
Wat för Diere sühst du?
Wat steiht up denn Diek?
Wo is Tüffel, wo is de Katt?
Wat steiht up dat Schild up de rechte Siet?
Wat is allens rot-witt up dat Bild?
Wat kann ein dorup antwuurden?
Ik seih ...
De Kinner ...
De Mann verköfft ...
An´n Strand ...
De Meiwen ...
Ik seih Ånten, ...
Up denn Diek ståhn ...
Tüffel is ...
Up dat Schild steiht: ...
De Lüchttorm, ...
Material 3: Dialog
So kœnen Paul un Emma mit'nanner schnacken
Emma: Ik freu mi up denn Utfluch! Fien, dat dien Papa ok dorbi is, Paul!
Paul: Kiek mål, hei hett sik glieks wedder ’n Fischbrötchen ruthålt. Dor heff ik nu åwer ok Schmacht up. Papa!
Vadder: Ja? Wat is all wedder los?
Paul: Hålst du för Emma un mi ok Fischbrötchen von dat Boot?
Vadder: Ja, geiht klor. Un denn führt de olle Kutter „Pelle“ glieks los. Fru Hansen hett all twintig Euro för jedein betåhlt.
Emma: Wo ist Fru Hansen œwerhaupt? Ik heff ehr gor nich mihr seihn.
Arne: Sei kiekt sik denn Kutter „Pelle“ all mål von binnen an. Paul sien Papa passt up uns up!
Emma: Na, denn is ja gaut. Kladdern wi egentlich ok noch up denn Lüchttorm? Dat wier fien!
Clara: Dat måken wi hüt Nåmeddach, dat is all afschnackt. Dor kœnen wi wiet up de See kieken! Un kiek mål, so ’n fienet Hus hett mien Opa ok, åwer woanners. Dor is ’n Gasthus binnen!
Markus: Telse ehr Lenkdråken flücht glieks wech orrer sei flücht mit denn Lenkdråken wech. Wat is dat för ’n dullen Wind! De Schåp mit ehr dicke Wull stüürt dat gor nich.
Arne: Nee, dorüm sünd dat ja ok Diekschåp. Kåmt, wi möten nu an Buurd, uns Tour geiht glieks los! Un achteran will ik mål in denn Strandkorf sitten!
Emma: Dat wullen Annika un ik doch all måken, dor heff ik mi all so lang up freut!
Arne: Kriegen wi taurecht. Nu an Buurd! Telse, kümmst du ok mit dienen Dråken?