Lex 16: Gebuurtsdach fieern
Emma schmeißt eine Geburtstagsparty und wir dürfen dabei sein. Passende Dekoration, Geburtstagsspiele und ihr Lieblingsessen dürfen da nicht fehlen.
Emma fieert ’ne Gebuurtsdachsparty un wi dörben dorbi sien. Passliche Dekoratschon, Gebuurtsdachspäle un ehr leifstet Äten dörben dor nich fählen.
zum Herunterladen - tau'n Runnerlåden
Hinweis:
Sollten die Dateien im Browser fehlerhaft dargestellt werden, dann laden Sie sie bitte einmal herunter. Finden sich weiterhin Fehler, dann sind wir dankbar für einen entsprechenden Hinweis.
Material 1: Bildbeschreibung
Wat seihn wi up dat Bild?
Emma künn jeden Dach Gebuurtsdach fieern. Dit Johr hett sei sik utdacht, dat all de Kinner, de sei inlådt hett, sik verkleeden kœnen. Nu drinken sei Füerwåter un sei äten Papageien-Kauken. Dat beste åwer sünd de Geschenken. Emma is all bös hibbelig: Wat in de Paketen woll allens binnen is?
Material 2: Über das Bild sprechen
Schnacken œwer dat Bild
So kœnen Frågen tau dat Bild utseihn:
Wat sühst du up dat Bild?
Woväl Lichter tellst du up denn Kauken?
Woans süht Tüffel ut?
Wat spälen de Kinner?
Wat för ‛ne Johrestiet kannst du up dat Bild wies warden?
Wat måkt Emma?
Wat måkt Emma ehr Mudder?
Wat hebben de Kinner an?
Vertell, wat allens up denn Disch steiht!
Wat kann ein dorup antwuurden?
Ik seih ...
Ik tell ...
Tüffel süht ut as ...
De Kinner spälen ...
Dat is ...
Emma packt ...
Sei bringt ...
De Kinner hebben all ...
De Gebuurtsdachskauken, ...
Material 3: Dialog
So kœnen Paul un Emma mit'nanner schnacken
Emma: Välen Dank för dat Geschenk, Hanna! Wat dor woll binnen is?
Hanna: Kiek mål rin, dat hett wat mit uns twei Plääch-Pier tau daun!
Paul: Juhu-juhu-ju, dat is ja as Fasching! Nu fangen wi an tau äten. Emma, puust dien Gebuurtsdachslicht ut! Uns lütt Tüffel hett ok all Schmacht!
Emmas Mudder: So, nu heff ik juuch noch Kakao bröcht. Weckern sall ik wat ingeiten?
Markus: Ja, bi mi! Un bi Hanna un Clara ok!
Emma: Välen Dank, Mama! Nu willen wi ok mienen Gebuurtsdachskauken äten. Ik will ein Stück mit ein rodet Gummibärchen dorup! Paul, de Muffins mit un åhn Schockelor, de heff ik sülfst backt!
Paul: Hest du mien Rezept nåhmen?
Ina: Emma, kiek mål, ik heff ok noch ein Geschenk för di. Dor heff ik ok dienen Nåmen rupschräwen!
Markus: Oh, wies mi dat mål, dörf ik dat mål schüddeln? Is dat Spältüüch?
Anton: Ik heff mien Geschenk ok inpackt. Åwer dor kannst du glieks seihn, wat dor binnen is. Lustig, orrer?
Telse: Dat süht ut, as har dien Saurier einen bösen Unfall hatt. Ward Tiet, dat Emma em utpackt!
Hannes: Oh, Emma, de Katt hett mien Geschenk upräten! Wi möten glieks achter ehr herlopen!
Emma: Minka, bliffst du ståhn! Helpt allens nix. Wi möten dat Geschenk wedderhålen. Kåm, Tüffel!