Lex 20: Up de Stråt un annerswo
Links gucken, rechts gucken – im Straßenverkehr muss man die Augen aufhalten. Aber auch wenn wir nach oben und unten gucken, gibt es jede Menge zu sehen! Die Doppelseite zeigt einen Ausschnitt der Stadt. Sieht es auf dem Land genauso aus?
Links kieken, rechts kieken – in’n Stråtenverkihr möt een de Ogen uphollen. Åwer ok wenn wi nå båben un unnen kieken, gifft dat ’n ganzen Hümpel tau seihn. De Duwwelsiet wiest ein’n Utschnitt von de Stadt. Süht dat up dat Land jüst so ut?
zum Herunterladen - tau'n Runnerlåden
Hinweis:
Sollten die Dateien im Browser fehlerhaft dargestellt werden, dann laden Sie sie bitte einmal herunter. Finden sich weiterhin Fehler, dann sind wir dankbar für einen entsprechenden Hinweis.
Material 1: Bildbeschreibung
Wat seihn wi up dat Bild?
Wat dor nich allens los is – Autos un Lüd up´t Rad un tau Faut, un sogor in de Luft gifft dat väl tau kieken. Ok twei Müs´ sünd mit ein Rullbrett ünnerwägens. Mach sien, dat de Katt de beiden von båben ut seihn kann.
Material 2: Über das Bild sprechen
Schnacken œwer dat Bild
So kœnen Frågen tau dat Bild utseihn:
Wat sühst du up dat Bild?
Wecker is up de Stråt ünnerwägens?
Wat flücht in de Luft?
Wecker sitt in denn Bus?
Wo ståhn Paul un Emma?
Wo lang geiht dat nå de Schaul?
Wo is Tüffel?
Wo is de Katt?
Woväl Autos sünd up de Stråt?
Wat måkt de Diern an de Ampel?
Wat för Verkihrsschiller up dat Bild kennst du?
Wat kann ein dorup antwuurden?
Ik seih ...
Ein Diern mit ein roden Pulli ...
Ein Fleiger, ...
Ein Fru, de jüst ...
Paul un Emma ståhn ...
Nå de Schaul geiht dat ...
Tüffel springt ...
De Katt is ...
Ik tell ...
De Diern ...
Ik kenn dat Schild ...
Material 3: Dialog
So kœnen Paul un Emma mit'nanner schnacken
Emma: Hi, Paul, wo wist du hen?
Paul: Hi, Emma un Tüffel! Fien, dat ik juuch dråpen dau. Ik heff mien Oma besöcht, un nu geiht dat nå Hus.
Emma: Tüffel un ik gåhn ’n bäten spazieren un willen uns noch ein Ies hålen. Wist du ok ein?
Paul: Hmm, bi Oma geef dat so väl Kauken, åwer ein lütt Ies ät ik noch. Oh, kiek mål! De Helikopper, de is åwer lut!
Emma: Tüffel is dor ’n bäten bang vör. Dat mach hei gor nich so giern lieden.
Paul: Dat is so lut hier wägen all de Autos. De Båhnschlachbom is ja ok schlåten. De Toch nå Grotstadt is jüst vorbikåmen.
Emma: Dor sitt mien Papa binnen. Hei kümmt nu von de Arbeit nå Hus. Fieeråbend!
Paul: Dat is fien. Willen wi ok glieks mit denn Bus führen? Hier führt ja ok de einhunnertdreiuntwintig vörbi!
Emma: Nee, Tüffel bellt ümmer so lut in denn Bus. Låt uns denn man tau Faut gåhn.
Paul: Kœnen Müs’ egentlich Skateboard führen?
Emma: Un wo kümmt uns Katt in denn Hittluftballon? Nu langt mi dat! Kåm, wi willen uns ’n Ies hålen! Tüffel hett ok Schmacht. Åwer hei kricht Hunnenkauken.