Lex 3: Fomilie
Wer ist dabei, wenn Paul und Emma ihren ersten Schultag feiern? Väter, Mütter, Freunde und Verwandtschaft – die Familien sind so bunt wie der Inhalt der Schultüten. Der wichtige Tag ist vielen Schülerinnen und Schülern sicher noch gut in Erinnerung.
Wecker is dorbi, wenn Paul un Emma ehren iersten Schauldach fieern? Vadders, Mudders, Frünn’ un Verwandtschaft – de Fomilien sünd as bunt as dat, wat in de Schaultüten is. Säker besinnen sik noch väle Schäuler up dissen wichtigen Dach.
zum Herunterladen - tau'n Runnerlåden
Hinweis:
Sollten die Dateien im Browser fehlerhaft dargestellt werden, dann laden Sie sie bitte einmal herunter. Finden sich weiterhin Fehler, dann sind wir dankbar für einen entsprechenden Hinweis.
Material 1: Bildbeschreibung
Wat seihn wi up dat Bild?
Paul un Emma freuen sik up ehren iersten Schauldach. Beid hebben sei ein Schaultüt in denn Arm un ein Schaulmapp up denn Rüggen. Emma ehre Öllern, ehr Tant, ehr lütt Süster un Tüffel sünd dorbi. Ok Paul siene Öllern, sien groten Brauder un siene Grotöllern sünd kåmen.
Material 2: Über das Bild sprechen
Schnacken œwer dat Bild
So kœnen Frågen tau dat Bild utseihn:
Wat sühst du up dat Bild?
Woans süht de Schaul ut?
Wecker is allens dorbi an denn iersten Schauldach?
Wat, glööfst du, is in Paul sien/Emma ehr Schaultüt?
Woans kieken all de Minschen up dat Bild?
Wecker kiekt an ́n fründlichsten?
Wecker hett ein Brauder/Süster?
Wat kann ein spälen up denn Schaulhoff?
Wat för Farwen sühst du up dat Bild?
Wat is gräun/rosa/ ...?
Wo väle Minschen sühst du up dat Bild?
Wat kann ein dorup antwuurden?
Ik seih ...
De Schaul is grot ...
Paul sien Brauder is dorbi,
Emma ehr ...
Ik glöf, dor is wat tau ́n Naschen binnen.
De kieken fründlich ...
Emma ...
Paul hett ein ...
Ein kann Hinkepott spälen.
Ik seih ...
Emma ehr Kleed is gräun.
Ik seih ...
Material 3: Dialog
So kœnen Paul un Emma mit'nanner schnacken:
Emma: Hallo Paul, freust du di ok all up de Schaul?
Paul: Klor Emma, in ́n Kinnergoorn wier dat all ́n bäten langwielig!
Emma: Dat finn ik ok. Ik will nu endlich richtig läsen un schriewen kœnen!
Paul: Ja, denn bruk ik nich mihr mienen Brauder frågen, dat hei mi wat vörläsen kann.
Emma: Un ik kann denn bald mien lütt Süster wat vörläsen! - Paul, dien Schaultüt is richtig grot un schmuck! Weitst du, wat dor binnen is?
Paul: Nee. Mama, Papa un Opa hebben mi de schenkt! Emma, dien Schaultüt passt ja tau de Farf von dien Schaulmapp!
Emma: Ja, ik mach pink. Un mien Schaultüt is ganz schwor.
Paul: Denn is de sachts so vull as mien!
Emma: Paul, ik glöf, de Schaul fängt glieks an. Ik bün ganz hibbelig!
Zum Anhören
Der Dialog wurde eingelesen von Studierenden der Universität Greifswald 2023. Schnitt und Bearbeitung: Elias Peschke.
Material 4: weitere Anregungen
Dau mål wat!
1. Miene Lüd
2. Verbinn de Wür’ mit de richtigen Biller!
3. Säuk de Wür'