Lex 2: Farwen un Tåhlen
Welche Farben hat die Welt? Bunt und fröhlich geht es in dieser Lektion um Farben und um die Zahlen von eins bis zehn. Wieviele Hundeknochen bekommt Tüffel wohl gleich und wieviele Farben hat eigentlich sein Fell?
Wecke Farwen hett de Welt? Kåkelbunt un fröhlich geiht dat in disse Lektion üm Farwen un üm de Tåhlen von ein bet teihn. Wo väle Hunnenknåken kricht Tüffel woll gliek un wo väle Farwen hett eigentlich sien Fell?
zum Herunterladen - tau'n Runnerlåden
Hinweis:
Sollten die Dateien im Browser fehlerhaft dargestellt werden, dann laden Sie sie bitte einmal herunter. Finden sich weiterhin Fehler, dann sind wir dankbar für einen entsprechenden Hinweis.
Material 1: Bildbeschreibung
Wat seihn wi up dat Bild?
Paul un Emma sitten mit Tüffel tausåmen tauhus up denn Råsen. Vier Kinner sünd an’t Fautball spälen. Wieder achtern spälen drei Kaninken un fief Katten. Un wat schmuck sünd de acht Boddervågels up de Bläuden von denn vigeletten Fleeder!
Material 2: Über das Bild sprechen
Schnacken œwer dat Bild
So kœnen Frågen tau dat Bild utseihn:
Wat sühst du up dat Bild?
Wat för ’ne Farf hett Tüffel/hebben de Bäll/de Blaumen/de Boddervågels ...?
Wat is dien leifste Farf?
Wat för ’ne Farf mach dien Brauder/Süster lieden?
Wat för ’ne Farf machst du nich lieden?
Wat för ’ne Farf hett dien Meerschwien/Vågel?
Wo olt sünd Paul un Emma woll?
Wo olt büst du?
Woväl Håsen/Katten/Kinner/Autos/Blaumen ... kannst du up dat Bild tellen?
Woväl Hunnenkauken hett Tüffel?
Wat kann ein dorup antwuurden?
Ik seih ...
Tüffel is brun./De Bäll sünd rot-gäl un schwart-witt./De Blaumen sünd vigelett./ ...
Mien leifste Farf is gräun/gäl ...
Mien Brauder/Süster mach giern ...
Ik mach ... nich lieden.
Mien Meerschwien is brun.
Paul künn .../Emma künn ... Johren olt sien.
Ik bün ... Johren olt.
Ik seih/ik tell vier Håsen, ... Katten, ...
Tüffel hett ... Hunnenkauken.
Material 3: Dialog
So kœnen Paul un Emma mit'nanner schnacken:
Emma: Na, Tüffel, dat machst du, wenn ik di stråkel, nich?
Paul: Kein Wunner, Tüffel hett so väl Hunnenkauken krägen!
Emma: Meinst du, hei freut sik?
Paul: Klor! Hei kiekt ganz vergnööcht! Emma, kannst du nu Tüffel allein låten un Fautball mit mi spälen?
Emma: Glieks Paul, ik will bloots noch de Boddervågels bi de Blaumen tellen!
Paul: Oh, de seihn ja schmuck ut!
Emma: Ik kann fief Boddervågels seihn!
(Paul tellt.)
Paul: Hm ... Ik glöf, dat sünd sœben orrer acht Boddervågels!
Emma: Meinst du? Denn tell ik ok noch einmål. Un denn kœnen wi Fautball spälen!