Lex 4: Mien Tauhus
Treppauf, treppab – in Pauls Zuhause gibt es viele Zimmer. Wo ist er wohl am liebsten? Wie ist die Wohnung und sein Zimmer eingerichtet? Wie ist das bei den Schülern zuhause? In Emmas Zimmer gucken wir in der Lektion 7.
Trepp rup, Trepp dål – in Paul sien Tauhus gifft dat väle Stuwen. Wo is hei woll an’n leifsten? Woans is de Wåhnung un sien Stuf inricht’t? Woans is dat bi de Schäulers tauhus? In Emma ehr Stuf kieken wi in Lex 7.
zum Herunterladen - tau'n Runnerlåden
Hinweis:
Sollten die Dateien im Browser fehlerhaft dargestellt werden, dann laden Sie sie bitte einmal herunter. Finden sich weiterhin Fehler, dann sind wir dankbar für einen entsprechenden Hinweis.
Material 1: Bildbeschreibung
Wat seihn wi up dat Bild?
Emma is bi Paul tau Besäuk. Hei wiest ehr stolt sien Stuf, de Schlåpstuf von siene Öllern, de Kœk, de Wåhnstuf, Bå’stuf un denn Hobbyrum. Siene Öllern sünd in de Kœk – bald gifft dat wat tau äten! De Katt licht up dat Bedd.
Material 2: Über das Bild sprechen
Schnacken œwer dat Bild
So kœnen Frågen tau dat Bild utseihn:
Wat sühst du up dat Bild?
Wat för Rüm sühst du?
Wo is Paul sien Stuf?
Wat sühst du in Paul sien Stuf?
Wo sünd Paul sien Öllern?
Gifft dat ’ne Dusch?
Wo steiht de Fiernseher?
Wo måkt Paul Musik?
Wo is de Katt?
Wat för einen Rum machst du an ’n leifsten up dat Bild?
Wat kann ein dorup antwuurden?
Ik seih ...
Ik seih de Koek un ...
Paul sien Stuf is ...
Ik seih einen Fautball, ...
Paul sien Öllern sünd ...
Ja, de is ...
De steiht in ...
Paul måkt in ’n ... Musik.
De Katt is ...
Ik mach de/denn/dat ... an ’n leifsten.
Material 3: Dialog
So kœnen Paul un Emma mit'nanner schnacken:
Paul: Kiek mål Emma, dat is uns Bå’stuf.
Emma: Oh, ganz in gräun! Un de Quietsche-Ånt is wiss dien, Paul?
Paul: Ja, åwer de bruk ik gor nich mihr. Dor bün ik all väl tau grot för.
Emma: Hebben ji bloots ein Bå’stuf?
Paul: Nee, båben is noch ein Tolett extra. Uns Wåhnstuf is unnen näben de Bå’stuf. Dor sitten wi meist åbends.
Emma: Oh, juuch Kiekschapp is ja grot. Sünd diene Öllern eigentlich ok tauhus?
Paul: Ja, ik glöf, de sünd in de Kœk. Mien Vadder un mien Mudder kåken giern tausåmen.
Emma: Paul, kannst du mi ok dien Stuf wiesen?
Paul: Klor, denn möten wi de Trepp hochgåhn. Mien Stuf is båben. Åwer verjåch di nich, dat is ein bäten dörcheinanner bi mi. Uprümen dau ik gor nich giern.
Emma: Ik ok nich! Un Tüffel wäuhlt denn ok noch in miene Såken.
Paul: Emma, måkst du eigentlich giern Musik?
Emma: Ja, worüm fråchst du?
Paul: Denn wies ik di tauierst uns Hobbykeller.
Emma: Wat hebben ji dor?
Paul: Låt di œwerraschen!