Lex 14: Inköpen
In Hansens Supermarkt ist für alle Dinge des täglichen Bedarfs gesorgt. Was steht heute auf unserem Einkaufszettel? Und was wird das wohl kosten? Diese Lektion bietet Anknüpfungspunkte zu Lektion 2, Lektion 5 und Lektion 17.
In Hansens Supermarkt gifft dat allens, wat ’n dachdäächlich bruukt. Wat steiht hüt up denn Inkopszeddel? Un wat ward dat wohl kosten? Disse Lex lött sik gaut verknüppen mit Lex 2, Lex 5 un Lex 17.
zum Herunterladen - tau'n Runnerlåden
Links zur gesamt-pdf, zum Ausmalbild der Lektion und zur Wörterliste
Hinweis:
Sollten die Dateien im Browser fehlerhaft dargestellt werden, dann laden Sie sie bitte einmal herunter. Finden sich weiterhin Fehler, dann sind wir dankbar für einen entsprechenden Hinweis.
Material 1: Bildbeschreibung
Wat seihn wi up dat Bild?
Paul un Emma köpen giern för de Fomilie in. Denn kieken sei sik an, wat dat in denn Låden allens gifft: So väl Oorten an Brot, Wust un Marmelåd. Dor ståhn Buddeln, Gläs’, Paketen un Dosen. Un sei versäuken tau läsen, wat up de bunten Schiller upsteiht.
Material 2: Über das Bild sprechen
Schnacken œwer dat Bild
So kœnen Frågen tau dat Bild utseihn:
Wat sühst du up dat Bild?
Wat hett Paul in denn Inkopswågen lecht?
Wo sitt Emma?
Wat passiert mit de Pandbuddeln?
Wat för Tåhlen kannst du läsen?
Wo is de Popp?
Wat licht allens up dat Band?
Wo väl verschieden Brotsorten sühst du?
Wat hett Paul sien Vadder in de Hand?
Wo is dat Bild mit denn Kasper?
Wat kann ein dorup antwuurden?
Ik seih ...
Paul hett Äppel un ...
Emma sitt up ...
De Buddeln warden in ...
Dat Bio-Hackfleisch kost ...
De Popp is ...
Ein Tüt Melk ...
Ik seih ...
Hei hett einen ...
Dat Bild hängt ...
Material 3: Dialog
So kœnen Paul un Emma mit'nanner schnacken
Emma: Kiek mål, dor sitt ja de grote Brauder von Annika an de Kass. Dat is sien Ferienjob.
Paul: Du, dien olle Popp föllt glieks ut uns Inkopswågen, pass up! - Papa, denkst du an miene Ierdbeermarmelåd?
Pauls Vadder: Klor, ik heff de all in de Hand. Sall ik glieks twei Gläs’ nähmen? Ik kann nich richtig läsen, wat Mama up mienen Zeddel upschräwen hett.
Paul: Nähm drei! He, Emma, dor is Markus bi de Pandbuddeln. Wat hett hei för ’ne grote Kist mit Buddeln anschleppt!
Markus: Hi, Paul un Emma! De heff ik twei Wochen lang insammelt in Lüttstadt. Von dat Geld hål ik mi glieks Schockelor un achteran Koorden för dat Poppentheoter.
Emma: Måkt dat Spåß?
Markus: Klor, dor gifft dat väl tau’n Lachen!
Paul: Denn willen wi dor ok hen. Mål kieken. Emma, kannst du mi ok einen Hanseaten ruthålen?
Emma: Nee, dat geiht nich. Sühst du doch, de sünd tau hoch båben insortiert. Dor möt dien Papa mål wat rutangeln.
Pauls Vadder: Geiht los! Åwer wi dörwen dat Bio-Hackfleisch nich vergäten. Mama will doch Lasagne måken. Emma un Markus, sünd ji ok mit dorbi? Denn köpen wi ’n bäten mihr in!
Markus: Oh fien, dat måken wi!
Paul: So, nu pack ik noch ein Dos Arften in un denn hebben wi ut disse Eck allens.
Pauls Vadder: Denn langt dat nu ok. Gåhn wi man nå de Wustthek un denn ward betåhlt! För Tüffel un Minka köpen wi noch fiene Hunnenkauken un dat gaude Kattenfauder.
Zum Anhören
Der Dialog wurde eingelesen von Studierenden der Universität Greifswald 2023. Schnitt und Bearbeitung: Elias Peschke.
Material 4: weitere Anregungen
Dau mål wat!
1. Säuk de Wür’ (mit Lösung)
2. Mål/Schrief ein Inkopslist för ein Frühstück mit dien Klass!