Lex 17: In'n Elektrolåden
Es flimmert, blinkt und piept: Im Elektroladen gibt es Smartphones, Fernseher, Laptops und andere Apparate, die uns den Alltag leichter machen können. Was brauchen wir? Und was vielleicht auch nicht?
Dat flimmert, blinkt un piept: In'n Elektrolåden gifft dat Plietschfons, Fiernseher, Klappräkner un anner Apparåten, de uns denn Olldach lichter måken kœnen. Wat bruken wi? Un wat bruken wi villicht ok nich?
zum Herunterladen - tau'n Runnerlåden
Hinweis:
Sollten die Dateien im Browser fehlerhaft dargestellt werden, dann laden Sie sie bitte einmal herunter. Finden sich weiterhin Fehler, dann sind wir dankbar für einen entsprechenden Hinweis.
Material 1: Bildbeschreibung
Wat seihn wi up dat Bild?
Paul un Emma ståhn in denn Låden un warden von Mudder knipst. Wat so ein Plietschfon allens kann! Tüffel finnt dat richtig intressant. Hei süht nich mål de Katt up denn Fiernseher.
Material 2: Über das Bild sprechen
Schnacken œwer dat Bild
So kœnen Frågen tau dat Bild utseihn:
Wat sühst du up dat Bild?
Wecker is in denn Elektrolåden?
Wat kann ein dor allens köpen?
Wat måkt Emma?
Wat kann ein för de Koek köpen?
Sühst du einen Verköper?
Wat sühst du för Programme up de Fiernsehers?
Wo sünd Müs’ tau seihn?
Woväl Klappräkner kannst du seihn?
Wat måkt Tüffel?
Wat kann ein dorup antwuurden?
Ik seih ...
Dor sünd Paul un ...
Computerspäle un ...
Emma probiert ...
Einen Toaster, ...
Ja, de Verköper steiht ...
Ik seih ein Quiz-Sendung, ...
Ein Mus sitt bi ...
Ik tell ...
Tüffel ...
Material 3: Dialog
So kœnen Paul un Emma mit'nanner schnacken
Emma: So ein lustigen Daddelkråm! Up denn groten Bildschirm geiht dat richtig gaut!
Paul: Pass up, ik glöf, dien Mudder fotografiert uns! Un klick!
Emmas Mudder: Dat is schön worden, kiekt mål! Wat späälst du dor, Emma?
Emma: Dat is so ein Wettlop mit Dierte. Paul, löppt so wat ok up dien Plietschfon?
Paul: Dat weit ik nich, åwer wies mi dat mål. Ja, worüm nich?
Emmas Mudder: Wihnachten kümmt wiss! Ik glöf, dat Papa glieks ’n nieget Kiekschapp funnen hett, Emma!
Herr Soltan: Kieken Sei mål: Uns niech Kiekschapp ut dat Anbott is grötter as all de annern för denn Pries. Dor kœnen Sei ok de Tåhlen gaut seihn!
Emmas Vadder: Un 209 Euro sünd nich tau düer. Orrer wat meinst du, Ella?
Emmas Mudder: Dat geiht. Un denn blifft ja ok noch ein bäten Geld œwer för einen niegen Toaster. Åwer kiek mål dorunner: dat Kiekschapp kost bloots 159 Euro.
Herr Soltan: Ja, åwer dat is ein ganz anner Firma. Dor kœnen Sei tau’n Bispill keinen Stick anschluten!
Emma: Och nee, dat geiht nich. Ik will de Biller von mienen Tüffel un mien Pläächpierd ok up dat Kiekschapp seihn! Köpen wi uns egentlich ok dat fiene Waffeliesen?
Emmas Vadder: Låt dat man nå. Mama un ik willen glieks nochmål bi de Stoffsugers rumsäuken. Uns ollen tauhus löppt ja nich mihr orrich.
Paul: Un mien Oma bruukt ’ne niege Waschmaschin. Dor ward ik glieks eis fotografieren, wat dat hier so allens gifft!
Herr Soltan: Ankieken, anfåten, köpen! Bi uns kriegen Sei dat allens. Man tau, man tau, nich tau lang täuwen!