Lex 18: Anner Länner, anner Kulturen
So viel zu entdecken! Unsere Nachbarn in anderen Ländern haben eigene Traditionen, Bräuche und Sprachen. Wo waren die Schülerinnen und Schüler schon? Wohin möchten sie gern? Auf einer Weltkarte können wir dorthin reisen.
So väl tau entdecken! Uns Nåwers in annere Länner hebben eigen Traditschonen, Brük un Språken. Wo sünd de Schäulers all mål wäst? Wo müchten sei giern hen? Up de Weltkoort kœnen wi dorhen up’e Reis gåhn.
zum Herunterladen - tau'n Runnerlåden
Hinweis:
Sollten die Dateien im Browser fehlerhaft dargestellt werden, dann laden Sie sie bitte einmal herunter. Finden sich weiterhin Fehler, dann sind wir dankbar für einen entsprechenden Hinweis.
Material 1: Bildbeschreibung
Wat seihn wi up dat Bild?
De Kinner in de Schaulklass kieken sik de Weltkoort an. Villicht sünd weck von juuch all mål in ein anner Land west. De koenen denn vertellen, wat dor allens anners wier un wat dat dor tau äten gäwen hett.
Material 2: Über das Bild sprechen
Schnacken œwer dat Bild
So kœnen Frågen tau dat Bild utseihn:
Wat sühst du up dat Bild?
Wat måken de Schäulers un de Lihrerin?
Wat steiht up dat Finsterbrett?
Wo is de Klappräkner?
Wat måken de Kinner dor woll mit?
Wat för Flaggen up dat Bild kennst du?
Wat schwemmt in’t Wåter up de Landkoort?
Wat lihren de Kinner in disse Schaulstunn´?
Wat sühst du, wenn du nå buten kiekst?
Woväl Kinner tellst du up dat Bild?
Wat kann ein dorup antwuurden?
Ik seih ...
Sei sitten all ...
Up dat Finsterbrett steiht ...
De Klappräkner steiht ...
De Kinner kieken nå, ...
Ik kenn de Flagg von Schweden, ...
Ein Schipp, ...
De Kinner lihren anner Länner kennen, ...
Ik seih denn Råsen, ...
Ik tell ...
Material 3: Dialog
So kœnen Paul un Emma mit'nanner schnacken
Emma: Fru Hansen, Sei sitten up Australien!
Fru Hansen: Oh, dat deit mi leed. Wierst du dor all mål?
Emma: Nee, dat is so wiet wech! Åwer wi führen dit Johr nå Frankriek, dat is ok ein tämlich wiede Reis. Mit uns Auto bruken wi twintig Stunnen! Åwer wi måken ok Pausen.
Paul: So väle Flaggen! Ob wi de tauurdnen kœnen? Also, dor is Russland.
Clara: Ik heff de Fåhn von Öösterriek. Låt mi dor mål hen!
Emil: Ik säuk Däänmark, dor wåhnt mien Unkel! Oh, dor heff ik dat funnen!
Emma: Hanna, du hest de Fåhn von Frankriek! Ik heff de all söcht! Dörf ik ehr hebben?
Hanna: Ja, giern, ik hål mi denn de von Schweden von de Finsterbänk, täuf!
Paul: Kiek mål, Teddy denkt: Wat is Russland grot, dor kann ik mi verlopen!
Fru Hansen: Wat du allens vertellst! Secht mi mål – wo is Japan?
Emma: Dor, glieks bi Sei in de Eck! Dat is so ’ne schöne Flagg mit einen groten roden Krink, so as up Ina ehren Pullover!
Ina: Mien Pullover süht ut as de Flagg von Japan, klor!
Paul: Un Emil sien Pullover süht ok ut as de Dannebrog, also de däänsche Flagg.
Emma: Anton, hest du Polen all funnen? Dor wieren wi verläden Johr.
Anton: Na klor! Åwer ik kåm dor nich an, Markus is in´n Wech.
Paul: Låt em man, hei is an´t Säuken.
Emma: Ik glöf, wi möten em ein bäten helpen, dor båben ward dat nix.
Markus: Ik kann de Nedderlannen einfach nich wedderfinnen!
Paul: Denn kiek mål nå de linke Siet, nå Westen!