Lex 7: Binnen spälen
Was bauen Paul und Emma da wohl mit den Bausteinen? Einen Bauernhof für die Tierfiguren? Beim Mensch-ärgere-dich-nicht wiederholen wir die Farben und Zahlen. Und wenn wir uns doch ärgern, dann können wir auch schon in Lektion 15 gucken. Was können wir drinnen sonst noch spielen?
Wat bugen Paul un Emma dor woll mit de Busteins? Einen Buernhoff för de Dierfiguren? Bi’t Minsch-arger-di-nich wedderhålen wi de Farben un Tåhlen. Un wenn wi uns doch argern, denn kœnen wi ok all in Lex 15 kieken. Wat kœnen wi binnen süss noch spälen?
zum Herunterladen - tau'n Runnerlåden
Hinweis:
Sollten die Dateien im Browser fehlerhaft dargestellt werden, dann laden Sie sie bitte einmal herunter. Finden sich weiterhin Fehler, dann sind wir dankbar für einen entsprechenden Hinweis.
Material 1: Bildbeschreibung
Wat seihn wi up dat Bild?
Emma hett ´ne richtig fiene Stuf. Hüt is Paul tau Besäuk. Tauierst hebben sei Minsch, arger di nich! späält, åwer denn hebben sei sik liekers argert un ´n bäten in de Wull krägen. Nu sünd sei mit de Lego-Busteins tau Gang. Un dor gifft dat fiene Späldierte bi Emma: Schwien, Åp, Krokodil un Elefant täuwen in´t Regål. Up Emma ehre Wörpel kannst du sogor sitten!
Material 2: Über das Bild sprechen
Schnacken œwer dat Bild
So kœnen Frågen tau dat Bild utseihn:
Wat sühst du up dat Bild?
(Mit) wat spälen Paul un Emma?
Wat för Stoffdierte wåhnen in de Stuf?
Wo is Tüffel?
Wo is de Katt?
Wo kann Emma målen/schriewen?
Koenen Paul un Emma ok Musik hüren?
Wat för Tåhlen sühst du up denn Wörpel?
Wat för Dierte ståhn vör denn Fautball?
Wat steiht up dat Regål up?
Wo sitt Teddy/dat Krokodil?
Wat kann ein dorup antwuurden?
Ik seih ...
Sei spälen mit ...
In de Stuf wåhnt ´n Schwien …
Tüffel licht ...
De Katt is …
Emma kann an ´n ...
Ja, sei hebben ...
Ik seih ...
Dor steiht ´ne Katt un ...
Up dat Regål steiht ´ne Kist un ...
Hei sitt...
Material 3: Dialog
So kœnen Paul un Emma mit'nanner schnacken
Paul: Emma, ik säuk glieks nochmål nå blåge Steins, dat wi ein Garåsch bugen kœnen.
Emma: Dat is ´ne gaude Idee! Hest du Lust, ok Musik tau hüren?
Paul: Villicht. Wat hest du denn, Musik orrer ok Hürbäuker?
Emma: Tau‛n Gebuurtsdach heff ik ein poor CDs krägen. De liggen näben mienen CD-Späler.
Paul: Du hest åwer ok einen Klappräkner, mit denn wi Musik hüren kœnen.
Emma: Ja, åwer denn möten wi in‛t Internet gåhn. Dat kann ik di wiesen.
Paul: Ik kann dat ok, åwer ik mücht nu leiwer ierst dat Hus mit di fardig bugen.
Emma: Dat kœnen wi måken.
Paul: Achternå mücht ik denn nochmål "Minsch arger di nich" spälen un gägen di winnen!
Emma: Ach ja, du hest ja vörhen verluurn (grient). Versäuk dat doch! Denn låt uns man liekers dien CD hüren.
Paul: Inverståhn. Ik måk ein CD an. Denn hüren wi ok nich mihr, dat Tüffel so lut schnorkt! Åwer denn ward hei villicht upwåken?
Emma: (lacht) Dat måkt nix. Tüffel helpt mi denn bi‛t Spälen gägen di!