Lex 19: Sport måken
Heute wollen wir mal in Bewegung kommen: Von Korbball bis Wettlauf ist alles dabei. Wer macht in seiner Freizeit welchen Sport? Und was ist eigentlich die beste Sportart? Können wir uns einigen?
Hüt willen wi eis in Bewägung kåmen: Von Korfball bet Wettlopen is allens dorbi. Wecker måkt wat för ’n Sport in sien Frietiet? Un wat is eigentlich de schönste Sportoort? Kœnen wi uns einig warden?
zum Herunterladen - tau'n Runnerlåden
Hinweis:
Sollten die Dateien im Browser fehlerhaft dargestellt werden, dann laden Sie sie bitte einmal herunter. Finden sich weiterhin Fehler, dann sind wir dankbar für einen entsprechenden Hinweis.
Material 1: Bildbeschreibung
Wat seihn wi up dat Bild?
Sport kann ganz ünnerscheidlich sien – dat kannst du hier tau seihn kriegen. Mål geiht dat fix, mål ganz langsåm, mitünner buten, mitünner binnen. Un wat för Sportorten fählen, dat sühst du ok glieks.
Material 2: Über das Bild sprechen
Schnacken œwer dat Bild
So kœnen Frågen tau dat Bild utseihn:
Wat sühst du up de Biller up de linke Siet?
Wat sühst du up de Biller up de rechte Siet?
Wat måkt de Katt?
Wat spälen Paul un Emma?
Wat måken de Müs´?
Woväl Müs´ finnst du?
För wat för einen Sport bruukt ein einen Ball?
Wat för einen Sport måkt ein buten?
Wat för einen Sport måkt ein binnen?
Wat för einen Sport up disse Biller måken ji in de Schaul?
Wat kann ein dorup antwuurden?
Links seih ik ...
Rechts seih ik ...
De Katt kladdert ...
De beiden spälen ...
Ein Mus kladdert, ...
Ik finn ...
För Handball, ...
Skateboard führen, ...
Ballett, ...
Wi turnen, ...
Material 3: Dialog
So kœnen Paul un Emma mit'nanner schnacken
Emma: Hüt bün ik bäder as du, ik heff dat äuft!
Paul: Dat glöf ik nich! De best Tennisspäler bün ik, dat weitst du doch.
Emma: Dat warden wi ja glieks seihn!
Paul: Ik bün hüt mit mien Skateboard nå de Schaul führt.
Emma: Ik wull ja giern mål mit mien Pläächpierd nå de Schaul rieden, åwer dat ward woll nix. Orrer hest du ´ne Idee?
Paul: Du un dien Pierd! Ik denk jüst doran, dat morgen mien Dischtennisturnier is. Drück mi de Dumens!
Emma: Na klor! Väl Tiet blifft nich, ik heff morgen Turnen un achteran Ballett. Wat för ein Stress, dor helpt blots Yoga. Dor fang ik Friedach mit an.
Paul: So, nu låt uns spälen! Orrer willen wi leiwer ´n bäten Korfball äuwen? Denk an dat Klassenturnier in de neechste Woch!
Emma: Oh ja, dor denk ik all de ganze Tiet an! Wi möten nu trainieren!
Paul: Geiht los – åwer stimmt dat egentlich, dat Tüffel bi´t Wietspringen bäder is as du?