Lex 8: Buten spälen
Rutschen, klettern, buddeln und baggern – draußen ist es doch am besten, und auf dem Spielplatz findet jeder was zum Spielen. Wir können dort laufen, springen, balancieren und uns verstecken. Diese Lektion regt besonders zur Beschäftigung mit Bewegungsverben an.
Rutschen, kladdern, buddeln un baggern – buten is dat doch allerbest, un up denn Spälplatz finnt jedein wat tau’n Spälen. Wi kœnen dor lopen, springen, balancieren un uns verstäken. Disse Lex is gaut, üm œwer Verben för de Bewägung tau schnacken un ehr antauwennen.
zum Herunterladen - tau'n Runnerlåden
Hinweis:
Sollten die Dateien im Browser fehlerhaft dargestellt werden, dann laden Sie sie bitte einmal herunter. Finden sich weiterhin Fehler, dann sind wir dankbar für einen entsprechenden Hinweis.
Material 1: Bildbeschreibung
Wat seihn wi up dat Bild?
Dat is de schönste Spälplatz in Lüttstadt – Paul un Emma sünd meist jeden Nåmeddach up de Kladderborg mit väle anner Kinner ut ehr Klass. Emma hett ´n fienen Trecker von ehr Fründin utleihnt, de geföllt Paul so richtig gaut. Åwer dat niege Krokodil ut Holt måkt ok Spåß – Tüffel kladdert dor rup un wedder dål. De annern Dierte kieken niegelich tau!
Material 2: Über das Bild sprechen
Schnacken œwer dat Bild
So kœnen Frågen tau dat Bild utseihn:
Wat sühst du up dat Bild?
Wat måken Paul un Emma?
Wo is Tüffel?
Wat koenen de Kinner hier spälen?
Wo is de Katt?
Wat måkt de Mann up de Bänk?
Woväl Kinner sühst du up denn Spälplatz?
Wat för Sandspältüüch sühst du?
Wat is allens rund up denn Spälplatz?
Säuk dat Schipp!
Säuk de Dierte un tell de!
Wat kann ein dorup antwuurden?
Ik seih ...
Paul un Emma ...
Tüffel is bi ...
Sei koenen rutschen un ...
De Katt is ...
De Mann ...
Ik seih ...
Ik seih ´ne Schüffel un ...
De Ball is rund un ...
Dat Schipp is ...
Ein Hund, twei Hunn´...
Material 3: Dialog
So kœnen Paul un Emma mit'nanner schnacken
Paul: Vörsichtig, Tüffel! Nich bewägen, ik kladder glieks œwer di wech!
Emma: Un ik rutsch noch ’n bäten nå achtern, dat du nauch Platz hest.
Paul: Emma, dat is cool tau balancieren. Dat möötst du ok glieks mål versäuken.
Emma: Ja, måk ik låter. Åwer ik mücht nich œwer Tüffel kladdern.
Paul: Wi kœnen ok ierstmål up de Kladderborg gåhn. Dor sünd jüst nich so väl Kinner.
Emma: Orrer wi nähmen uns denn Trecker mit denn Bagger.
Paul: Au ja, åwer nu möt ik uppassen un nich dålfallen.
Emma: (as Paul dat schafft hett un bi ehr is:) Allerbest, Paul! Un super, Tüffel – du hest di gor nich rööcht.
Paul: (springt von denn Bom un löppt nå denn Trecker hen) Emma, kümmst du mit up denn Trecker?
Emma: Klor. Denn führen wi nu nå denn Sand un baggern dor. Toll.
Paul: Wi sünd de weltbesten Baggerfohrers, Emma!
Emma: Ja, Paul, låt uns baggern!